Mexaniki dalğaların növləri. Dalğanı xarakterizə edən kəmiyyətlər

Mexaniki dalğalar eninə və uzununa olur. Dalğanı xarakterizə edən əsas kəmiyyətlər: dalğa uzunluğu ($\lambda$) – iki eyni fazalı nöqtə arasındakı məsafədir, vahidi metrdir (m). Bir tam dalğanın keçmə müddətinə period ($T$) deyilir, vahidi saniyədir (s). Tezlik ($\nu$) – 1 saniyədə keçən tam dalğaların sayıdır, vahidi Hertsdir (Hz). Period ilə tezlik qarşılıqlı tərsdir: $T = 1/\nu$, $\nu = 1/T$. Dalğanın yayılma sürəti ($v$) dalğa uzunluğu ilə tezliyin hasilinə bərabərdir: $v = \lambda\nu$, həmçinin $v = \lambda/T$. Eyni mühitdə yayılma sürəti sabit qalır. Mühit dəyişərsə, sürət dəyişir, lakin tezlik mənbədən asılı olaraq sabit qalır. Eninə dalğalarda hissəciklərin rəqs istiqaməti dalğanın yayılma istiqamətinə perpendikulyar (misal: su dalğası, ip dalğası), uzununa dalğalarda isə paraleldir (misal: səs dalğası).